„21C-SDG“ e проект кој е финансиран од Еразмус+ програма и вклучува партнерство помеѓу: Данска, Кипар, Португалија, Италија, Латвија и Северна Македонија. Проектот започна во септември 2019 година и ќе заврши во август 2021 година.

Целта на проектот е да се зголемат вештините, компетенциите на учениците поврзани со алатките на 21 век и истовремено со целите за одржлив развој поставени од Обединетите Нации. Оваа цел ќе биде реализирана преку подготовка и поставување онлајн (виртуелно) материјали за учење и модули кои се однесуваат на следните цели за одржлив развој: 4, 5, 11,12,13 и 14. На овој начин учениците од 10 до 15 години ќе го подобрат нивното разбирање на моменталните oпштествени предизвици, како што се: животна средина, циркуларна економија итн.

Дигиталните материјали ќе се фокусираат на подобрување на вештините на 21 век, кои што се неопходни за успех и развој на младите луѓе во 21-от век.

Вештините вклучуваат: карактер, граѓанско општество, соработка, креативност и критичко размислување.

Примарна таргет група: ученици на возраст од 10-15 години

Секундарна таргет групанаставници

Интелектуални резултати

• Резултат 1 – Развој на материјали за учење и модули 

Преку проектот ќе се развиваат 6 модули, по еден за секој од избраните цели за одржлив развој (квалитетно образование, родова еднаковост, одржливи градови и заедници, одговорна потрошувачка и производство, климатска акција, живот под вода).

• Резултат 2 – Поставување на онлајн платформа 

Во рамки на проектот ќе биде поставена онлајн платформа, на која наставниците ќе имаат пристап до материјалите за учење.

• Резултат 3 – Евалуација

Партнерството ќе ги оцени модулите и материјалите за учење и како / ако, тие ги подобриле знаењата на учениците за целите за одржлив развој и ги зајакнале нивните вештини поврзани со предизвиците на 21-от век.

Социјални медиуми:

Facebook: https://www.facebook.com/21CSDG/

Instagram account: 21csdg